Ledig stilling


Moltustranda Montessoriskule har fått godkjenning frå UDIR og vil ta imot elevar på 1.–7. trinn frå hausten 2026. Med Montessori-pedagogikken som fundament og den varierte naturen på Moltustranda som ein aktiv del av kvardagen, ønskjer vi å skape ein skule der barn får utvikle seg heilskapleg – både fagleg, sosialt og emosjonelt.

Montessori-pedagogikken tek utgangspunkt i barnet si naturlege nysgjerrigheit og lærelyst. Læraren legg til rette for læring gjennom struktur, tydelege rammer og fridom med ansvar, der elevane får arbeide med konkrete materiell og utforske i sitt eige tempo. I aldersblanda grupper lærer barna å samarbeide, ta ansvar for seg sjølve og andre, og bidra aktivt i fellesskapet – ein grunnstein i Montessori-pedagogikken.

Ved Moltustranda Montessoriskule legg vi stor vekt på livsferdigheiter som kreativitet, sjølvstende, samarbeid og fellesskap – eigenskapar vi meiner er viktige for å møte framtida. Skulen skal vere ein naturleg møteplass i ei bygd prega av engasjerte foreldre og eit aktivt lokalsamfunn, der barn og vaksne får høve til å lære, meistre og utvikle seg saman.

Vi oppmodar alle kvalifiserte søkjarar til å søkje, uavhengig av alder, kjønn, funksjonsevne eller bakgrunn. Personleg eignaheit vil bli vektlagt.

I første søkjer vi etter:

- Rektor/dagleg leiar

- Montessoripedagog

Lærarar i grunnskulen uten montessori utdanning, samt fagarbeidarar vert utlyst etterkvart, men send oss gjerne ein søknad/mail allereie no om du er interessert i ei slik stilling hos oss.

Rektor/ Dagleg leiar

Oppstart frå våren 2026, fulltidsstilling frå hausten 2026.

Vil du vere med å starte noko heilt nytt – og forme ein skule frå grunnen av?
Her er det ingen «slik har vi alltid gjort det»-løysingar. I staden får du rom til å skape, prøve ut og utvikle – med montessoripedagogikken som kompass, og den varierte naturen på Moltustranda som ein av fleire læringsarenaer.

Dette er meir enn ei rektorstilling. Du får byggje opp både struktur, kultur og læringsglede frå grunnen av. Det er ei moglegheit til å forme barndommar, setje retning for ein heil skule, prege ei bygd – og vere med på ei reise som berre så vidt har starta.

Dette får du som rektor hos oss

Du får høve til å:

  • Byggje opp skulen sin pedagogiske profil og organisasjon
  • Vere med å forme kultur og læringsmiljø frå dag éin
  • Ha kort veg frå idé til praksis, og sjå at initiativ raskt kan bli til handling
  • Kombinere leiing med undervisning og vere tett på elevane
  • Samarbeide tett med montessorinettverk, og få støtte og sparring frå erfarne rektorar som har gått vegen før deg

Vi ser etter deg som:

  • Har godkjend lærarutdanning, gjerne med erfaring frå skuleleiing eller skuleutvikling
  • Er interessert i montessoripedagogikken (Montessori-utdanning er ein fordel, men ikkje eit krav)
  • Trivst med å ta ansvar og jobbe praktisk – også når planane må justerast undervegs
  • Ser på leiing som ei reise i stadig utvikling, der du prøver ut, evaluerer og tilpassar, og der små steg over tid kan skape varige resultat når ein byggjer opp noko nytt

Personlege eigenskapar

  • Du er glad i folk, og får energi når barn opplever meistring og glede i læring
  • Du er løysingsorientert og likar å byggje opp noko nytt
  • Du trivst i eit arbeidsmiljø med mykje samhald, smil og rom for utvikling – og bidreg sjølv til å skape det
  • Du er ein tydeleg leiar, samstundes som du er lyttande og open for innspel
  • Du er trygg i møte med både menneske, økonomi og administrasjon
  • Du har både orden og humor – og skjønar at trivsel og praten rundt kaffitraktaren kan byggje like mykje kultur som planar og system

Er du nysgjerrig – eller klar til å søkje?

Vi håpar du tek kontakt, også om du berre ønskjer å høyre litt meir før du bestemmer deg. Vi svarer gjerne på spørsmål om oppstarten, kvardagen i rolla og kva støtte og nettverk du vil få rundt deg.

For søkjarar som ikkje bur i området, kan vi òg bistå i søk etter bustad for å gjere overgangen enklare dersom du vel å flytte hit.

Ta kontakt med

Nikoline Lillestøl-Moltu
📞 48 12 01 52
✉️ post@moltustrandamontessori.no

Lisa Jinette Kristiansen
📞 40 16 41 83
✉️ post@moltustrandamontessori.no

Formelle opplysningar

Arbeidsgjevar: Moltustranda Montessoriskule SA
Arbeidsstad: Moltustranda, Herøy kommune
Stillingstype: Fast. Timebasert frå våren 2026 (kan kombinerast med anna stilling), 100 % frå skulestart hausten 2026 (eventuelt redusert stillingsprosent etter avtale).
Løn: Etter avtale og gjeldande tariff

Pensjon: Konkurransedyktige vilkår.
Politiattest: Den som vert tilsett må leggje fram politiattest, jf. privatskolelova § 4-3
Søknadsfrist: 1. April 2026
(Søknader blir vurderte fortløpande – vi oppmodar deg til å søkje tidleg)
Oppstart: Etter nærare avtale (gradvis frå våren 2026)
Søknad med CV sendast til: post@moltustrandamontessori.no


Montessoripedagog 

Oppstart: august 2026

Drøymer du om å vere med på å starte ein ny skule – og undervise på ein stad der barna si naturlege utforskartrong, lærelyst og meistring står i sentrum? Hos oss får du jobbe på ein liten og oversiktleg skule, med tett vaksenoppfølging, aldersblanda grupper og naturen som ein viktig del av læringskvardagen. Her får du høve til å vere med og byggje både struktur, kultur og fagmiljø – heilt frå starten.

Kvifor dette er noko meir enn ein vanleg lærarjobb

Hos oss får du høve til å:

  • vere med å byggje opp skulen sitt fagmiljø frå grunnen av
  • skape eit læringsmiljø der meistring, ansvar og nysgjerrig utforsking står i sentrum
  • nyte «småskulefordelen»: kort avstand mellom idé og handling, og tett kontakt mellom lærarar, elevar og engasjerte foreldre
  • vere del av eit fagleg nettverk av montessoripedagogar som gir støtte, fellesskap og inspirasjon

Vi ser etter deg som:

  • har godkjend lærarutdanning for grunnskulen
  • har montessorikompetanse for anten 1.–4. trinn og/eller 5.–7. trinn
  • ønskjer å vere ein del av eit lite og engasjert team som løftar kvarandre, feirar både små og store sigrar, og veks og trivst saman

Lærarar utan Montessori-utdanning, men med ønskje om å ta denne, er også velkomne til å søkje. Montessoripedagogar vil bli prioriterte i første omgang. Moltustranda Montessoriskule gir økonomisk støtte til Montessori-utdanning.

Personlege eigenskapar

  • Du får energi når barn meistrar noko nytt og utviklar seg vidare
  • Du møter barn med respekt, varme og tru på deira eiga drivkraft
  • Du trivst i eit arbeidsmiljø med mykje samhald, smil og rom for utvikling – og bidreg sjølv aktivt til å skape det
  • Du er like komfortabel med å planleggje pedagogiske opplegg som å setje på kaffien
  • Du har ei positiv innstilling og likar å bruke naturen og nærmiljøet aktivt i skulekvardagen

Kjenner du deg att?

Då vil vi gjerne høyre frå deg. Har du spørsmål, eller ønskjer du ein uformell prat før du søkjer, er du hjarteleg velkomen til å ta kontakt.

For søkjarar som ikkje bur i området, kan vi òg bistå i søk etter bustad for å gjere overgangen enklare dersom du vel å flytte hit.

Ta kontakt med

Nikoline Lillestøl-Moltu
📞 48 12 01 52
✉️ post@moltustrandamontessori.no

Lisa Jinette Kristiansen
📞 40 16 41 83
✉️ post@moltustrandamontessori.no

Formelle opplysningar

Arbeidsgjevar: Moltustranda Montessoriskule SA
Arbeidsstad: Moltustranda, Herøy kommune
Stillingstype: Fast. 100 % frå skulestart hausten 2026 (eventuelt redusert stillingsprosent etter avtale)
Løn: Etter avtale og gjeldande tariff
Pensjon: Konkurransedyktige vilkår
Politiattest: Den som vert tilsett må leggje fram politiattest, jf. privatskolelova § 4-3
Søknadsfrist: 1. April 2026
(Søknader blir vurderte fortløpande – vi oppmodar deg til å søkje tidleg)
Oppstart: August 2026
Søknad med CV sendast til: post@moltustrandamontessori.no